Ərzaqlar: 3 yumurta 2 su stəkanı toz şəkər 1 su stəkanı qatıq 1 su stəkanından br barmaq əskik maye bitki yağı 2 su stəkanı un (ələnilmiş) 1 paket qabartma tozu 1 paket vanil 1 paket kakao (mən 40 qramlıq paket kakao istifadə etdim.)
Şokolad sousu üçün: 80 qr. (bir paket) sütlü ya da qara şokolad 50 qr. ərimiş kərəyağı (isti olmalı)
Hazırlanması: Sobanızı 170 dərəcəyə qızdırın. Yumurtaları və şəkəri köpürənə qədər mikserlə çırpın. Qatıq, yağ və vanili əlavə edib çırpmağa davam edin. Ən son ələnilmiş un və qabartma tozunu əlavə edin. Yağlanılmış
keks qabına (mən ortası dəlikli qabımı istifadə etdim) xəmirin yarısını
tökün. (mən şokoladı daha çox sevdiyim üçün sadə xəmiri daha az
istifadə etdim.) Qalan keks xəmirinə kakaonu əlavə edərək təkrar çırpın. Bunu da sadə xəmirin üzərinə qəlibə tökün. Qəlibdəki
keks xəmirini çəngəllə yüngülcə qarışdırıb sadə və kakaolu xəmirin
bir-birinə girməsini təmin edin. Amma çox qarışmasın. 170 dərəcəli sobada təxminən 30 dəqiqə qədər bişirin. Diş cöpü batırıb bişib bişmədiyini anlaya bilərsiniz. Keksin bişməsinə yaxın üzərinə tökəcəyiniz şokolad sousunu hazırlayın. Şokoladı kiçik parçalara ayırın. Kərəyağını
əridin və isti haldaykən şokoladları əlavə edib sürətlicə qarışdıraraq
ərimələrini təmin edin. Şokoladlar əridikcə sous gedərək qatılaşır, bu
sous dondurma üzərində, peçenyeləri bəzəmək üçün çox gözəl istifadə
edilə bilər. Soyuduqca yüngül qatılaşar və axıcılığını itirər, super
olar yəni. Keks bişib yüngül ılındığında qabdan çıxarın (qabı maye
yağ yerinə marqarinlə yağlasanız keks qabdan daha asan çıxar.) və keksin
üzərinə şokolad sousunu gəzdirin. Nuş olsun!