Tarixən bu günümüzə qədər hökmdarlar, şahlar, bəylər, hakimlər cinayətkarları müxtəlif edam üsulları ilə cəzalandırıblar.
Dünyanın fərqli yerlərində müxtəlif zamanlarda istifadə edilən bu edam üsulları insanı vahiməyə salır, qanını dondurur.
Hətta o qədər əzablı edam üsullarından istifadə edilib ki, ipdən asmaq, boyun vurmaq bunların yanında "toya getməli” olur.
Əzazil hökmdarlar edama məhkum olan şəxsi bir dəfə öldürməkdənsə, hər gün verdiyi əzab-əziyyətlərlə gündə min dəfə öldürüblər.
Dəhşətverici
edamlar arasında insanların filin ayağının altına atılmasını, müxtəlif
iti uclu dəmir parçalarla bədənin deşik-deşik edilməsini, əli-qolu bağlı
yırtıcı heyvanların arasına buraxılmasını qeyd etmək olar.
Bundan
başqa diri-diri dərini soymaq, qaynar qazana atmaq, müxtəlif zəhərli
həşəratlarla dolu olan quyuya salmaq da qəddar hakimlərin seçdiyi edam
üsulları olub.