Bəzən
gündəlik makyajdan darıxaraq yeni, gözəçarpan rənglərdən istifadə etmək
istəyirik. Bu halda dəblə ayaqlaşmaq lazım gəlir. 2013-cü il bizə bu
imkanı verir.
Rəng institutu Pantone 2013-cü ilin rəngi – zümrüd
rəngi olduğunu məlumat verir. Xatırladaq ki, keçən ilin rəngi narıncı
rəng idi. Yeni model maşınlarda belə bu rəngdən geniş istifadə
edilmişdir.
Dizayner və vizajistlər isə hadisələri qabaqlayaraq
artıq sentyabr ayının yaz-yay kolleksiyasının göz sürmələrində və
kölgələrində narıncı rəngi nümayiş etdirmişdilər. Bu rəngləri Stella
McCartney, Christian Dior, Marimekko və Kenzo-nun modellərinin dodaq və
dırnaq boyalarında görmək mümkün idi.
Zümrüd rəngi universaldır. Təbiətin
rəngi olduğu üçün bu rəng bütün mövsümlərdə aktuallığını qoruyub
saxlayır. Bu rəngin başqa üstünlüyü də odur ki, hər cür rəngli dəriyə
yaraşır. Ekspertlər zümrüd rəngini şəftləli rənginin bütün çalarları ilə
uzlaşdırmağı məsləhət görürlər.